Ko‘p beriladigan savollar

Tadbirni oching, «Sana va vaqt» boʻlimida kunni tanlang va «Joy tanlash» tugmasini bosing. Zal sxemasida sektorni bosing — joylar yaqinlashadi, soʻng kerakli joylarni belgilang (tik turiladigan zonalarda chiptalar sonini koʻrsating). Bitta buyurtmada 10 tagacha joy tanlash mumkin; tashkilotchi bir xaridorga chiptalar sonini cheklashi ham mumkin. «Davom etish»ni bosing va hali kirmagan boʻlsangiz, telefon raqamingiz bilan kiring. Joylar 10 daqiqaga siz uchun band qilinadi: shu vaqt ichida toʻlov usulini tanlang va «… toʻlash» tugmasini bosing. Vaqt tugasa, joylar boshqalarga ochiladi, pul yechilmaydi.

Buyurtma ekranidagi «Toʻlov usuli» boʻlimida Payme, Click, Uzum yoki Paynet ilovasini yoxud «Bank kartasi»ni (Uzcard, Humo · Rahmat orqali) tanlang. Toʻlov sahifasi ochiladi, toʻlovdan soʻng ilovaga qaytasiz. Kartangiz saqlangan boʻlsa, keyingi safar u bilan bir tugmada toʻlaysiz; saqlangan kartalar Profil → «Saqlangan kartalar»da. Bank tasdiqlashi odatda bir necha soniya oladi; ilovani yopsangiz ham natija «Chiptalar»da paydo boʻladi va pul ikki marta yechilmaydi. Fiskal chek buyurtma sahifasining «Cheklar» boʻlimida.

Toʻlovdan soʻng chiptalar «Chiptalar» boʻlimida, «Kelgusi» roʻyxatida paydo boʻladi; oʻtgan tadbirlar — «Oʻtgan»da. Har bir chiptaning oʻz QR-kodi bor: chiptani oching va bir buyurtmadagi chiptalar orasida varaqlang. QR-kodlar telefonda saqlanadi, shuning uchun internet boʻlmasa ham ochiladi. Profildan chiqsangiz, yuklab olingan chiptalar shu telefondan oʻchadi — qayta kirganingizda hammasi tiklanadi. Chiptalar hisobingizga bogʻlangan, shuning uchun boshqa telefonda ham shu raqam bilan kirib ularni koʻrasiz.

Chiptani «Chiptalar» boʻlimida oching va QR-kodni kirishda koʻrsating — ekran yorqinligi avtomatik maksimal boʻladi. Kirish qachon boshlanishi chiptada koʻrsatilgan. Har bir chipta faqat bir marta skanerlanadi: undan keyin «Foydalanilgan» deb belgilanadi va u bilan qayta kirib boʻlmaydi. Har bir mehmon uchun alohida chipta kerak. Chiptadagi ism kirishda tekshirilishi mumkin. Skrinshot emas, ilovadagi chiptani koʻrsating: chipta uzatilganda yoki qayta chiqarilganda eski QR-kod amal qilmay qoladi.

Ha. Chiptani oching, «Uzatish»ni bosing, qabul qiluvchining telefon raqamini kiriting va «Uzatish»ni bosing. Qabul qiluvchi shu raqam bilan TopTicketʼga kirib, «Chiptalar» boʻlimidagi bildirishnomadan yoki «Chipta uzatishlar» ekranidan «Qabul qilish»ni bosadi. Taklif 48 soat amal qiladi; qabul qilinmaguncha chipta sizda qoladi va kirishda ishlaydi, «Uzatishni bekor qilish» mumkin. Qabul qilingach, chipta yangi QR-kod bilan qabul qiluvchiga oʻtadi, sizdagi QR-kod esa amal qilmay qoladi. Tadbirgacha 3 soatdan kam qolganda uzatib boʻlmaydi; foydalanilgan chiptani yoki qaytarish soʻrovi ochiq chiptani ham uzatib boʻlmaydi. Uzatilgan chiptani ilova orqali qaytarib boʻlmaydi.

Buyurtmani oching (Profil → «Buyurtmalar» yoki chiptadagi «Buyurtma #…» havolasi), «Chiptani qaytarish»ni bosing, qaytariladigan chiptalarni va sababni tanlang, soʻng «Soʻrov yuborish»ni bosing. Qaytarish tashkilotchi belgilagan muddatgacha mumkin — odatda tadbir boshlanishidan 24 soat oldingacha. Soʻrovni tadbir tashkilotchisi koʻrib chiqadi (ayrim tashkilotchilar avtomatik tasdiqlaydi); holatini buyurtmaning «Qaytarishlar» boʻlimida kuzating. Tasdiqlangach, qaytarilayotgan chiptalar uchun toʻlangan butun summa, xizmat haqi bilan birga, xuddi shu toʻlov usuliga qaytadi — odatda 1–3 ish kunida, bankka qarab 10 bank kunigacha. Foydalanilgan yoki boshqa odamga uzatilgan chiptani qaytarib boʻlmaydi; uzatish kutilayotgan boʻlsa, avval uni bekor qiling. Tadbir bekor qilinsa, pul avtomatik qaytariladi; sana koʻchirilsa, tashkilotchi qaytarish uchun alohida muddat ochadi.

Raqamingizda Telegram boʻlsa, 6 xonali kod Telegramdagi «Verification Codes» chatiga keladi — «Telegramni ochish» tugmasi uni ochadi. Kodni SMS orqali olish uchun «SMS orqali yuborish»ni bosing. Shuningdek: raqam toʻliq va toʻgʻri kiritilganini tekshiring (kerak boʻlsa, «Raqamni oʻzgartirish»), telefonda aloqa borligiga va SMS bloklanmaganiga ishonch hosil qiling. Kodni bir daqiqadan soʻng «Kodni qayta yuborish» orqali yana soʻrash mumkin. Notoʻgʻri urinishlar koʻp boʻlsa, xavfsizlik uchun yangi kodni biroz kutib soʻrash kerak boʻladi. Baribir kelmasa, quyidagi telefon yoki email orqali bizga yozing.

Profil sahifasining pastidagi «Hisobni oʻchirish»ni bosing, «Tushundim, qaytarib boʻlmaydi»ni belgilang va «Kod olish va oʻchirish»ni bosing — Telegram yoki SMS orqali kelgan kodni kiritgach, hisob oʻchiriladi. Kelgusi tadbirlarga amaldagi chiptalaringiz boʻlsa, hisobni tadbirlar oʻtgach yoki chiptalarni qaytargach oʻchirish mumkin. Ism, telefon, sozlamalar, sevimlilar va saqlangan kartalar butunlay oʻchiriladi; buyurtmalar va fiskal cheklar qonun boʻyicha shaxsiy maʼlumotlarsiz saqlanadi. Ilovaga kira olmasangiz, roʻyxatdan oʻtgan raqamingizni koʻrsatib davronbekov.otabek@gmail.com manziliga yozing.

Profil → «Sozlamalar» → «Til»ni oching va oʻzbek, rus yoki ingliz tilini tanlang. Til darhol oʻzgaradi, hisobga kirish shart emas. Tadbirlarning nomi va tavsifi tashkilotchi kiritgan tilda koʻrsatiladi.

Profil → «Yordam markazi» → «Murojaat yozish»: mavzuni tanlang, kerak boʻlsa buyurtmani biriktiring va xabaringizni yuboring. Javob ilovaga keladi, barcha murojaatlaringiz Profil → «Murojaatlarim»da. Shuningdek, +998 90 047 24 00 raqamiga qoʻngʻiroq qilishingiz yoki davronbekov.otabek@gmail.com manziliga yozishingiz mumkin. Buyurtma boʻyicha yozsangiz, buyurtma raqamini koʻrsating.